वडा सदस्य जर्गालाई मातृ शोक

बुलिङटार, ६ जेठ । बुलिङटार गाउँपालिकाका एकजना जनप्रतिनिधिका आमाको निधन भएको छ । बुलिङटार गाउँपालिका वडा न. ३ का वडा सदस्य विष्णुविर जर्गाका आमा तिल मायाँ जर्गा मगरको निधन भएको हो । ७९ वर्षको उमेरमा सोमबार बिहान १०ः३० बजे आफ्नै निवासमा निधन भएको उनका कान्छा छोरा तथा वडा सदस्य विष्णुविर जर्गा मगरले जानकारी दिए । मृत जर्गा मगर लाई पहिल्यै देखि नै निमोनियाको उपचार गर्दै आइरहेको उनका साहिला छोरा गम बहादुर जर्गा मगरले बताए । “भर्खर बिरामीबाट मुक्त भयो भनेर खुशी भएका हामी एक्कासी शोकमा बस्नुपर्दा सपना जस्तो लागी राको छ” वडा सदस्य जर्गा मगरले भने । यस अघि घर वरिपरी हिड्डुल गर्दै आइरहेकी थिइन् । मृत जर्गाकी चार भाई छोरा र एक बहिनी छोरी छन् ।